تطبيقات هامة لابد من استخدامها في تركيا

تطبيقات هامة لابد من استخدامها في تركيا

الدراسة في تركيا لو انت لسه جديد فى تركيا او بتفكر تسافر جديد معناها لازم تنتبه ان فيه مجموعة من التطبيقات المهمة جداً للموبايل , واللي بتفيدك كتير في تركيا بداية حياتك في تركيا وهاتوفر عليك وقت ومجهود كتير لحين التعود على البلد.

تطبيقات مهمة في تركيا

تطبيق Trafi

وهو أهم تطبيق مواصلات في تركيا و عدد تاني من دول العالم , وهو افضل حتي من التطبيق اللي عملته ادارة المواصلات في اسطنبول

التطبيق فيه خرايط بكل انواع المواصلات في اسطنبول , و يجيبلك ارقام الباصات و مساراتها و اسماء المحطات , ومواعيد وصول الباصات و هكذا

بل انك ممكن تفتح اللوكاشن , وتخلي البرنامج يعرف انت فين , وتقوله عايز اروح المكان الفلاني , البرنامج هيقولك امشي مسافة كذا لاقرب محطة باص , بعدها اركب اتوبيس كذا و انزل محطة كذا

 

تطبيق جوجل ترانزيلت

مهم جدا للي لسة مش كويس في اللغة التركي , وميزته انك ممكن تحمل علي الموبايل ك ملفات اللغة التركي , فيشتغل معاك في الترجمة من غير نت كمان فيه امكانية انك تصور بالموبايل كلام تركي مطبوع , فيترجمه نوعاً ما بشكل صحيح

 

تطبيق İBB CepTrafik

تطبيق جميل في التعرف علي خرايط اسطنبول و مواصلاتها و اماكن الزحام والمسارات الافضل وميزته ان ممكن تشوف الشوارع live فتعرف مين زحمة و مين فاضي

سكوتي Scotty

تطبيق شبيه باوبر , لكن للموتسيكل  , ينقلك من اي مكان لاي مكان بالموتسيكل , وبسعر كويس جدا

 

تطبيق İBB Simultane 

وهو تطبيق جميل يتيح ليك انك تسمح خطب الجمعة و الاعياد مترجمة للعربي

 

تطبيق iTaksi

برنامج iTaksi الخاص بالتكاسي في إسطنبول معتمد من بلدية اسطنبول وهوه خيار مثالي لكل السياح القادمين لتركيا لتلافي الغش والمبالغة بالاسعار وعدم قدرتهم نطق اسماء المناطق

الدفع هيكون بالكريدت أو كارت إسطنبول أو كاش

 

تطبيقات الطعام :

و اللي منها ممكن تطلب اكل ديليفري و يجيلك لغاية البيت و باسعار كويسة واحيانا ارخص من المطاعم

Nefis Yemek Tarifleri

Yemeksepeti

كما أن أتديوس للخدمات الطلابية توفر لكم حزم خدمات متكاملة بأسعار رمزية تضم مجموعة باقات من الخدمات اللوجستية التي يحتاجها الطالب في بداية مسيرته التعليمية اضغط هنا للإطلاع عليها

إقرأ أيضاً… مقالة تكنولوجيا المستقبل

اترك تعليقاً